الاخبار للاسف وحشه جدا الفتره الفائته
وده بيعمل يأس عند الناس عشان كده جبت ليكم خبر حلوو
حنان ترك إنتقبت ... وجعلت الفنانه شاهيناز تعتزل الغناء !!
الي ميعرفش المغنيه شاهيناز دي ( تقريبا كانت الفائزة في مسابقة الستار ميكر ) star maker
سبحان الله حنان ترك انتقبت وكمان اثرت علي شاهيناز دي واتحجبت واعتزلت الفن
انا بصراحه مش عارف اقول ايه
ربنا سبحانه وتعالي لما يريد انه يهدي العاصي يهديه
سبحان الله
بدأتها حلا شيحا بالحجاب ثم الانتقاب والاعتزال وعشان الصحبه مهمه
حلا شيحه صاحبة حنان ترك ( ودي أهميه الصحبه الصالحه )
وقد بلغني من الشيخ محمود المصري قالي هكذا بالحرف ( حنان ترك بتحضر غسل ميت كل اسبوع علي الاقل )
والشيخ عرف كده لان حنان ترك اصبحت صديقة زوجته
الناس دي يا جماعه حتى ولو كان التزامهم ضعيف .. يعني مثلا حنان ترك متقدرش تقولك قواعد المنهج السلفي و العقيده والولاء والبراء والكلام ده
لكن بصراحه التزامهن مش شيء سهل خااااااااااالص
يا اخي شوف وضعهم اكبر واحده فيهم 32 سنه وكل واحده من الي التزموا تعتبر في الفن نجمة شباااااك وليهم جماهير وكانوا هن ابطال الافلام علي طول الخط
الملايين عندهم دي تعتبر اجر شهري ...
وكل الناس ( اهلها , واصدقاءها الفاسديان والفاسدات , الشيطان , نفسها , فطرتها الطبيعيه علي حب المال والشهرة والرفاهيه )
كل ده ترك
بصراحه ولينا الظاهر والله يتولى السرائر التزامها كان في صعوبات اكتر من اي اخ واخت عادي فلا شك الناس دي تستاهل منا الدعاء والمساعده وعدم التقطيم والجرح
( عشان في ناس متخصصه في كده )
يعني منفضلش نقول ياعم دي اتحجبت ولسا بتعمل مش عارف ايه
او دي انتقبت لكن لسا مثلا بتعمل ايه
ندعو ليهم بالهدايه ولا شك ان الي يترك كل الدنيا دي عشان ربنا لاشك ان فيه ولو ذرة خير فلو حصل ورجع منفضلش نطعن فيهم بل ندعي ربنا ان ذره الخير دي تطرح وتنبت تاني
الواحد مننا لما بيشوف ورقه بميت جنيه قلبه بيرفرف .. وممكن يقولك العشاء ممتده لحد الفجر طالما فيها فلوس إلا من رحم الله
ممكن واحد يقصر في الصلاه بسبب مراته او بسبب عمله
ممكن واحد طالب علم يترك الطلب عشان بقا صاحب محل ولازم يتابعوا وكل ده مش حرام
بس انا عايز اقول كذلك تفعل الدنيا بإهلها فلما
هي تترك الدنيا ؟؟
عارفين معنى التزام اي واحده فيهم يعني ايه ؟
هي متعوده لو مشيت في مكان تلاقي السلامات والنظرات والهتافات والاتوغرافات
وفلان عايز صوره معاها وفلان عايز إمضاء منها
لما تلبس النقاب ... ممكن امين شرطه يوقفها ويقول ليها بطاقتك يختي
اللهم ثبتهن علي الايمان وزد لهم فيه
اسئل الله ان يجعلن نصراً لدينه ولدين حبيبه محمد صلي الله عليه وسلم
ربنا سبحانه وتعالي ممكن بسبب تخاذل اهل الاسلام وضعف وتكاسل بعض الاخوه يقدر ربنا لناس عاشوا حياتهم هكذا انهم هم الي ينصروا الدين
ولعلمكم الي بتلتزم منهم مش بقعد في بيتها
علي طول بتلف وتعمل ندوات وبتعمل خير ... كبير وبتكون مؤثره جدا في الي حولايه
ادعو ربنا بس يبعد عنها المحبطين
الله المستعان
اللهم لا تعاقبنا بتخاذلنا
بالنسبه لمصدر الخبر فالرابط به نساء ( شاهيناز قبل الحجاب ) فمش هينفع احط الرابط
__________________
